• top 100 lyrics
• new lyrics

Reikuaahag̃ua La Rohayhuha

Dúo Pérez - Peralta y Su Conjunto Paraguayo

Romomorãségui, nde, che yvoty, ñasãindy porãme
Purahéi rorýpe, mbaraka pyahême romongerasy
Chéko ndaha'éi mba'eve voi ko'a ne rokême
Añandu porãgui ndaikovemo'ãi la nderehe'ỹ

Mamóiko reime mba'e ãichaite neañaiteíva
Esêmína ára ahaite mboyve torohechami
Reikuaahag̃ua mávapa yvy ári nderayhu porãva
Ndéve ohejaséva nde recuerdo-rã iñe'ênguemi

Amo yvagapýgui mokõi mbyjami chemoirûva hína
Oimépuku hína oikuaa mba'e ko che ñembyasy
Oime ohecha che mbarakasãre otykýva hína
Korasõ rasýgui, yuhéi, kane'õgui, ko che resay

Po'a'ỹ rupínte mitã tyre'ỹicha aikove asýva
Cherehe ndaipóri ikorasõmíva araka'eve
Chéko ya aháma akañyhag̃ua opaiteve ára
Ka'aguy mbytére rohenoihag̃ua amano meve