Pykasu
Dúo Peña–González
Pykasumi jukyete
Nde resa para poty
Che py'áre opyvyvy
Chemokyrỹi añandu
Ka'avomi rokyû
Ojeguapáva ysapýgui
Okukúivaicha torýgui
Umi nde ropea hû
Nde áva sa'yjungy
Kuarahýndie oñoatõi
Ha umi nde resa mokõi
Mbyjakuéraicha ojajái
Iporã, ndaijojahái
Nde juru, nde tyvyta
Repukárõ ojekuaa
Nde ratypykua jovái
Vokói árante chave
Ne rokême tajami
Mbaraka tambopumi
Purahéipe tamoirû
Repu'ãvo taikutu
Yvoty nde áva kuápe
Ha ta'e pe nde apysápe
Rohayhúko, Pykasu
All lyrics are property and copyright of their owners. All lyrics provided for educational purposes only.