Mandu'a rory
Dúo Hnos. Cáceres
Mandu'a rory ikusuguepáva ne pore'ỹhápe
Ojopehague ñembyasy puku omanova'erã
Nde rerakuemi aropurahéivo ou che py'ápe
Ikatuve'ỹva ajahe'ỹre aromandu'a
Cheruguyporãva atopárõ máva nde réra oguerúva
Yvoty ryakuãicha chembopiro'ýva ne ãhonguemi
Rohuguaitîségui tape ipukuvéva ahenonde'áva
Ikatuhag̃uaicha cherenduse'ỹrõ ave añehenduka
Sapy'a ahechárõ ku karia'ykuéra nde rógape oúva
Rombyekoviaséva, ha nañanimáigui ajesaupimi
Tesarái maymárõ nog̃uahêiva'ekue che róga rokême
Che vy'a apytépe ha che ñembyasýpe ndémante reime
Yvága ni yvýpe nde jasy resême ndaipóri omo'ãva
Tataindy porãicha pyhare ru'ãgui ñanderesape
Nde reikuaa'ỹre nde pypore ári ymáma aguatáva
Ikatuva'erã ku og̃uahê che ára ha rohupyty
Ha'éva chejupe ¿mborayhu paháiko ko hese añandúva?
Ajeve ndaipóri pohã omongueráva ko mba'embyasy
Pyhare poty paraguái retã rehesapepáva
Chemomarandúna reguepotaitévo, japa oñondive